Xitay hökümiti Uyghur diyarida atalmish "Diniy ashqunluq" qalpiqi bilen adem tutushni dawamlashturmaqta

2019-06-12
Élxet
Pikir
Share
Print

Yéqinda xitay hökümiti Uyghur aptonom rayonidiki tor bixeterlikige xilapliq qilghan on kishini ayrim-ayrim memuriy ishlar we jinayi ishlar boyiche tutup turghan.

"Xitay xewerliri" torining 12-iyundiki sanida élan qilin'ghan munasiwetlik xewerdin melum bolushiche, tutup turghan bu on kishining tizimliki ichide üch Uyghur, bir qazaq we bir qirghiz bar iken. Bularning tutup turulush sewebi "Tor supisini ishlitip 'térrorluqni, diniy ashqunluqni we bölgünchilikni' terghib qilidighan resim, sin körünüsh we xetlik mezmunlarni saqlighan we tarqatqan" iken.

Xewerdiki qiziq nuqtilarning biri tizimliktiki Uyghur, qazaq we qirghizlar jinay ishlar boyiche, xitaylar bolsa memuriy ishlar boyiche tutup turulghan. Uningdin bashqa yene tizimlikning astigha tor bixeterlikige xilapliq qilghanlarni melum qilghanlargha söyünche bérilidighanliqimu alahide eskertilgen we munasiwetlik orunlarning alaqilishish uchurliri teminlen'gen.

Közetküchilerning bayan qilishiche, xitay hökümitining Uyghur diyaridiki Uyghur we bashqa az sanliq milletlerni atalmish "Térrorluq we diniy ashqunluq" namida tutup tekshürüshi rayonda adem tutush dolqunining izchil küchiyiwatqanliqidin dérek béridiken.

Toluq bet