Хитай һөкүмити уйғур дияридики диний етиқад әркинлики һәққидә доклат елан қилди

Мухбиримиз әзиз
2020-11-03
Share

Хитай һөкүмити 3-өктәбир күни «шинҗаң ислам җәмийити» намидин уйғур дияридики диний етиқад әркинликиниң һазирқи омумий әһвали һәққидә әң йеңи доклат елан қилип, өзлириниң уйғур вә башқа мусулманларниң диний һәқлирини һемайә қиливатқанлиқини тәкитлигән.

Бу қетимқи доклатта хитай һөкүмити уйғур диярида диний етиқад һәқлириниң толуқ капаләткә игә икәнликини, нормал диний етиқад әркинликиниң һечқандақ чәклимигә учримайдиғанлиқини, шуниңдәк хитай һөкүмитиниң пәқәт «диний әсәбий унсурлар» ғила зәрбә бериватқанлиқини алаһидә тәкитлигән. Шуниң билән биргә, америка вә явропада мусулманларниң қандақ кәмситиш вә чәклимиләргә учраватқанлиқини баян қилиш арқилиқ өзлириниң бу җәһәттә қандақ «кәң қорсақ» икәнликини әскәрткән.

Һалбуки, шаһидлар вә хитай һөкүмитиниң рәсмий һөҗҗәтлири уйғурлардики ислам дини билән бағлинишлиқ һәрқандақ паалийәтниң кишиләрни лагерға қамаштики муһим сәвәб болуватқанлиқини, уйғурларниң һазир диний етиқад әркинлики һәққидә сөз ечишниң қилчиликму имканий қалмиғанлиқини, әң әқәллиси йеңи туғулған бовақларға «муһәммәд» дәп исим қоюшқиму болмайдиғанлиқини намайән қилмақта. Анализчилар мушу хил реаллиқни тилға алған һалда хитай һөкүмитиниң бу йеңи доклатини «һечкимни ишәндүрәлмәйдиған, йәнә келип тола дәверип бәкла конирап кәткән ялған сөзләр. Рамизан мәзгилидә мусулманларни чошқа гөши йейишкә мәҗбурлиған бир һакимийәтниң диний етиқад әркинлики һәққидә сөз қилиши учиға чиққан номуссизлиқ,» дәп көрсәтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт