Уйғур аптоном райониниң муавин рәиси ши дагаң бейҗиңға йөткәп кетилгән

Мухбиримиз әркин
2016.12.16

2014‏-Йили мухбирларға “уйғурлар усул ойнаш билән алдираш” дегән уйғур аптоном райониниң муавин рәиси ши дагаң, йеқинда хитай мәркизи бирликсәп бөлүминиң муавин башлиқлиқиға йөткәп кетилгән.

Хитай ахбарат васитилириниң илгири сүрүшичә, у бу йил аптоном районлуқ партком секретари җаң чүншйән вәзиписидин айрилғандин буян, йөткәп кетилгән 4 юқири дәриҗилик әмәлдарниң бири икән. Бу 4 әмәлдар җаң чүншйәндин башқа 2 муавин рәисни өз ичигә алған.

Хитай мәркизи бирликсәп бөлүми ториниң хәвиридә, ши җинпиңниң 13-декабир ши дагаңниң бирликсәп бөлүмигә йөткәш буйруқиға имза қойғанлиқини, у, мәркизи бирликсәп бөлүминиң муавин башлиқи, тибәт миллитидин болған ситаниң орниға олтуридиғанлиқини билдүргән.

Бу йил 58 яшлиқ ши дагаң әсли сәншилик болуп, у аптоном районлуқ парткомниң сабиқ секретари ваң лечүән дәвридә өскән. У, 1998‏-йилдин башлап қәшқәр вилайәтлик парткомниң скеритари, 3‏-девизийәниң сиясий комиссари қатарлиқ вәзипиләрни атқурған. У бу мәзгилдә қәшқәрни наһайити қаттиқ қоллуқ билән башқуруп, әдәбият, сәнәт саһәсидики өктичи пикирләрни бастурған.

Атақлиқ уйғур язғучи вә шаир нурмуһәммәт ясин униң буйруқи билән 10 йиллиқ қамақ җазасиға һөкүм қилинған.

Ши дагаң, 2011‏-йили җаң чүншйәнниң қоллишида уйғур аптоном райониниң муавин рәисликигә өстүрүлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.