Uyghur aptonom rayonining mu'awin re'isi shi dagang béyjinggha yötkep kétilgen

Muxbirimiz erkin
2016-12-16
Share

2014‏-Yili muxbirlargha "Uyghurlar usul oynash bilen aldirash" dégen Uyghur aptonom rayonining mu'awin re'isi shi dagang, yéqinda xitay merkizi birliksep bölümining mu'awin bashliqliqigha yötkep kétilgen.

Xitay axbarat wasitilirining ilgiri sürüshiche, u bu yil aptonom rayonluq partkom sékrétari jang chünshyen wezipisidin ayrilghandin buyan, yötkep kétilgen 4 yuqiri derijilik emeldarning biri iken. Bu 4 emeldar jang chünshyendin bashqa 2 mu'awin re'isni öz ichige alghan.

Xitay merkizi birliksep bölümi torining xewiride, shi jinpingning 13-dékabir shi dagangning birliksep bölümige yötkesh buyruqigha imza qoyghanliqini, u, merkizi birliksep bölümining mu'awin bashliqi, tibet millitidin bolghan sitaning ornigha olturidighanliqini bildürgen.

Bu yil 58 yashliq shi dagang esli senshilik bolup, u aptonom rayonluq partkomning sabiq sékrétari wang léchüen dewride ösken. U, 1998‏-yildin bashlap qeshqer wilayetlik partkomning skéritari, 3‏-déwiziyening siyasiy komissari qatarliq wezipilerni atqurghan. U bu mezgilde qeshqerni nahayiti qattiq qolluq bilen bashqurup, edebiyat, sen'et sahesidiki öktichi pikirlerni basturghan.

Ataqliq Uyghur yazghuchi we sha'ir nurmuhemmet yasin uning buyruqi bilen 10 yilliq qamaq jazasigha höküm qilin'ghan.

Shi dagang, 2011‏-yili jang chünshyenning qollishida Uyghur aptonom rayonining mu'awin re'islikige östürülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet