Даррен байлерниң “лагерларда-хитайниң юқири техникилиқ җаза колонийәси” намлиқ китаби нәшрдин чиққан

Мухбиримиз ирадә
2021.10.13
Share on WhatsApp
Share on WhatsApp

Америкалиқ уйғуршунаш, саймен фрейзер университетиниң ярдәмчи профессори даррен байлерниң уйғур елида йолға қоюлуватқан лагер системиси һәққидә язған “лагерларда-хитайниң юқири техникилиқ җаза колонийәси” намлиқ китаби 12-өктәбир күнидин етибарән сетилишқа башлиған.

Мәзкур китабта хитай һөкүмитиниң бир милйондин артуқ адәмни тутуп туруш үчүн қандақ қилип инсанийәт тарихида техи көрүлүп бақмиған бир назарәт вә контрол системиси барлиққа кәлтүргәнлики һәққидә оқурмәнләргә тәпсилий чүшәнчә берилгән.

Китаб коломбийә университети тәрипидин нәшр қилинған болуп, китабқа төвәндикидәк чүшәндүрүш берилгән: “уйғур җәмийити вә хитайниң назарәт системиси һәққидики дунядики алдинқи қатардики мутәхәссисләрниң бири болған даррен байлер бу район үстидә он йил тәтқиқат елип берип, нәччә миңлиған һөкүмәт һөҗҗитини тәкшүргән, нурғун мәһбуслар вә лагер хизмәтчилири билән көп қетим сөһбәтләшкән. . . Уларниң дәриҗидин ташқири сәргүзәштлири байлерниң сиатилдин бейҗиңғичә болған җайларда ясалған техника мәһсулатлириниң дунядики аҗиз кишиләр үчүн қандақ қилип мәһбуслуқниң йеңичә шәклини шәкилләндүрүватқанлиқини тәкшүрүшигә түрткә болди”.

Даррен байлер юқиридики бу “хитайниң юқири техникилиқ җаза колонийәси” намлиқ китаби һәққидә “дипломат” журнилиниң мәхсус зияритини қобул қилғанда уйғур елида йолға қоюлуватқан җаза лагерлири вә назарәт системиси һәққидә “шинҗаңдики кәң көләмлик назарәт қилиш вә лагерларға солаш һәрикитини хитайниң өз контроллуқиниң гирвикидә қалған бошлуқларға қарита әп барған мукәммәл йосунда таҗавуз қилиш, ишғал қилиш вә уни өзгәртиш синиқи дәп қараш керәк” дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.