Bu yil Uyghur diyarida 460 ming kishi “Ishqa orunlashqan”
2022.02.16
Xitay hökümiti bashqurushidiki shinxu'a agéntliqining 16-féwraldiki xewiride éytilishche, bu yil uyghur diyaridiki herqaysi sheher-bazarlarda 460 mingdin artuq kishi yéngidin “Ishqa orunlashqan”.
Xewerde éytilishiche, nöwette Uyghur diyaridiki ishsizliq nisbiti töt yérim pirsent bolup, “Ishqa orunlishishta muqim bolush, bashqa orunlargha bérip ishqa orunlishish izchil bolush” toluq emelge ashqan. Emma bu kishilerning qeyerlerdin kelgenliki we qandaq orunlargha ishqa orunlashqanliqi éytilmighan.
Xitay hökümitining xewerliride ularning “Shinjanggha yardem bérish” namidiki pa'aliyetliride xitay ölkiliridiki zawut we shirketlerning Uyghur diyarigha yötkliwatqanliqi alahide gewdilinip kelgenidi. Halbuki köpligen uchurlar xitay hökümitining lagér tutqunlirini we yerliridin ayrilip qalghan Uyghur déhqanlirini erzan bahaliq “Zamaniwi qullar” qatarida xitaylarning türlük zawutlirigha ishchiliqqa orunlashturghanliqini delilligenidi. Nöwette bu xewerde tilgha élin'ghan 460 mingdin artuq kishining qeyerlerdiki qandaq xizmetlerge orunlashqanliqi heqqide türlük texminler otturigha chiqmaqtiken.