Roshen abbas xanim: "Baydin hökümiti méning hedem we bashqa barliq Uyghurlarni türme-lagérdin qutuldurush üchün küresh qilishi lazim"

Muxbirimiz jewlan
2021-01-26
Share

Uyghur herikiti teshkilatining bashliqi roshen abbas xanim 25-yanwar "Washin'gton pochtisi" gézitide maqale élan qilip, jow baydin hökümitidin doktor gülshen abbas we bashqa barliq Uyghurlarni türme-lagérlardin qutuldurush üchün küresh qilishqa chaqiriq qilghan.

Roshen abbas xanim bu maqaliside xitay hökümitining öch élish xaraktérlik tutqun qilip, 20 yil késiwetken hedisi gülshen abbas we uning a'ilisidikiler duch kelgen paji'eni tilghan élip, mushu tipik weqedin xitay hökümitining neqeder rezil, qebih we zorawan hakimiyet ikenlikini, yillardin béri pütün Uyghurgha töhmet chaplap, ulargha xilmu xil peskesh neyrengler, qorqunchluq wasitiler bilen ziyankeshlik qilip kelgenlikini bayan qilghan.

Roshen abbas xanimning bildürüshiche, xitayning bu jinayitini toxtitish üchün uning qorqunchluq pilanini körüp yétish kérek. Xitayning meqsiti iqtisadiy jehettin küchlinish, siyasiy jehettin yétekchi orun'gha ötüsh we dunyagha kéngeymchilik qilish. Tramp hökümiti xitayning zulumini "Irqiy qirghinchiliq" dep atighan, jow baydin hökümitimu buni mu'eyyenleshtürgen bolsimu, buningliq bilen xitayning dawamliq yürgüzüp kéliwatqan bu jinayitini toxtitip qalghili bolmaydu. Aldi bilen xitayning "Zamaniwi qulluqni normallashturush, dunyani menpe'et we küch talishish sehnisige aylandurush" taktikisigha zerbe bérish lazim. Uyghurlarni qul qiliwatqan xitay zawutliri bilen sodiliship, irqiy qirghinchiliqqa shérik boluwatqan amérika we yawropa shirketlirini bu qilmishtin toxtitish kérek. Buning üchün jow baydin hökümiti xitay bilen bolidighan diplomatiye we soda alaqiliride zamaniwi qulluqqa xatime bérish ishini muhim küntertipke qoyushi kérek. Xitaygha iqtisad jehettin zerbe bermigüche siyasiy jehettin bésim qilghili bolmaydu. Mejburiy emgekni ayaghlashturmighiche lagérlar mesilisini hel qilghili bolmaydu. Buning üchün jow baydin hökümiti zor tirishchanliq körsitish lazim.

Roshen abbas xanim jow baydin hökümitining "Uyghur kishilik hoquq qanun layihesi" ge bina'en Uyghurlarning hoquq-menpe'etini qoghdashqa, "Tamozhna béji qanun layihesi" ning 307-maddisigha asasen, mejburiy emgekke munasiwetlik mallarni import qilmasliqqa we amérika shirketlirini xitayning irqiy qirghinchiliq jinayitige shérik bolushtin tosushqa chaqiriq qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet