Әнглийә һөкүмити бирләшкән дөләтләр тәшкилатини уйғур районидики лагерларни тәкшүрүшкә чақиридикән

Мухбиримиз җәвлан
2021-02-22
Share

"пул-муамилә гезити" ториниң 21-феврал бәргән хәвиридин мәлум болушичә, әнглийә ташқи ишлар министири доминик раб 22-феврал бирләшкән дөләтләр тәшкилати кишилик һоқуқ кеңишигә мураҗиәт сөзи қилип, уларни уйғур районидики лагерларни тәкшүрүшкә дәрһал адәм әвәтишкә чақиридикән. У сөзидә "шинҗаң вәзийити биз һәл қилалайдиған даиридин һалқип кәтти. У йәрдә йүз бериватқан қийнашлар, мәҗбурий әмгәк, аялларни туғмас қиливетиш қатарлиқ қилмишлар толиму қәбиһ вә кәң даирилик болуп, ˃көләмләшкән санаәт˂ шәклидә йүз бериватиду" дегәнләрни оттуриға қоюп, бирләшкән дөләтләр тәшкилатиға агаһландуруш бәрмәкчикән.

Хәвәрдә ейтилишичә, доминик раб әнглийә парламентидики консерватип партийә әзалириниң бесимиға учриған болуп, консерватиплар униңдин хитайни техиму күчлүк тәнқид қилишни тәләп қилған. У бирләшкән дөләтләр тәшкилати кишилик һоқуқ кеңишигә юқириқи мураҗиәт сөзини қилиштин илгири америка президенти җов байдин мәзкур кишилик һоқуқ кеңишигә көзәткүчи сүпитидә қайтидин қатнишидиғанлиқини җакарлиған.

Анализчиларниң қаришичә, явропа иттипақидин айрилған әнглийә һөкүмити бу мураҗиәт арқилиқ өзиниң хәлқара дипломатийә вә хәвпсзлик җәһәттин тегишлик рол ойнишини үмид қилмақтикән. Әнглийә баш министири борс җонсонниң алдинқи һәптә "мюнхен бихәтәрлик йиғини" да әнглийә, франсийә, германийә вә америкадин тәшкил тапқан "төт тәрәп иттипақи" ни қуруш һәққидә қилған сөзиму буни испатлайдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт