En'gliye hökümiti birleshken döletler teshkilatini Uyghur rayonidiki lagérlarni tekshürüshke chaqiridiken

Muxbirimiz jewlan
2021-02-22
Share

"Pul-mu'amile géziti" torining 21-féwral bergen xewiridin melum bolushiche, en'gliye tashqi ishlar ministiri dominik rab 22-féwral birleshken döletler teshkilati kishilik hoquq kéngishige muraji'et sözi qilip, ularni Uyghur rayonidiki lagérlarni tekshürüshke derhal adem ewetishke chaqiridiken. U sözide "Shinjang weziyiti biz hel qilalaydighan da'iridin halqip ketti. U yerde yüz bériwatqan qiynashlar, mejburiy emgek, ayallarni tughmas qiliwétish qatarliq qilmishlar tolimu qebih we keng da'irilik bolup, ˃kölemleshken sana'et˂ sheklide yüz bériwatidu" dégenlerni otturigha qoyup, birleshken döletler teshkilatigha agahlandurush bermekchiken.

Xewerde éytilishiche, dominik rab en'gliye parlaméntidiki konsérwatip partiye ezalirining bésimigha uchrighan bolup, konsérwatiplar uningdin xitayni téximu küchlük tenqid qilishni telep qilghan. U birleshken döletler teshkilati kishilik hoquq kéngishige yuqiriqi muraji'et sözini qilishtin ilgiri amérika prézidénti jow baydin mezkur kishilik hoquq kéngishige közetküchi süpitide qaytidin qatnishidighanliqini jakarlighan.

Analizchilarning qarishiche, yawropa ittipaqidin ayrilghan en'gliye hökümiti bu muraji'et arqiliq özining xelq'ara diplomatiye we xewpszlik jehettin tégishlik rol oynishini ümid qilmaqtiken. En'gliye bash ministiri bors jonsonning aldinqi hepte "Myunxén bixeterlik yighini" da en'gliye, fransiye, gérmaniye we amérikadin teshkil tapqan "Töt terep ittipaqi" ni qurush heqqide qilghan sözimu buni ispatlaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet