Xitay taratquliri bir qisim yéza ahalilirining Uyghur élidiki "Kentlerde qurulghan zawutlar" da ishqa orunlishiwatqanliqini ilgiri sürmekte

Muxbirimiz irade
2020-01-02
Élxet
Pikir
Share
Print

Uyghur élidiki hökümet taratqulirida "Namratliqtin qutulushni ilgiri sürüsh" üchün "Kentte qurulghan zawutlarda ishqa orunlishish" élip bériliwatqanliqini ilgiri sürmekte. Hetta yéza ahalilirini "Ishik aldidila ishqa orunlashturush" emelge ashqanliqi heqqidiki xewerler köpeymekte.

"Tengritagh tori" 2-dékabir künidiki xewiride töwendikilerni bayan qilghan: "Ghulja shehiri képekyüzi yézisi nilqa kentide 'éshincha emgek küchliri' we ishqa orunlashmighan a'ile ayalliri köp bolushtek mesilini hel qilish üchün ili oblastliq soda idarisi karxanilarni makanlishishqa jelp qilish, maharet terbiyesini kücheytish qatarliq shekiller arqiliq bu mehellining ili mayi öy ishliri mulazimet cheklik shirkiti ghulja shöbe shirkitini qurushigha hemkarliship, 60 tin artuq a'ile ayalining bir türlük maharet igilep, ishqa orunlishishigha yardem berdi," déyilgen.

Xewerde hazirghiche 861 artuq emgek küchi ishqa orunlashturulghanliqi ilgiri sürülgen. Yene bir xewerde qeshqer shehiri awat yézisi qaluq kentide "Shinming dadaw" kiyim tikish zawuti qurulup, kenttiki 45 kent ahalisining bu zawutta ishlewatqanliqi xewer qilin'ghan we bu xewerning süritide Uyghur ayal ishchilar körsitilgen. 

Chet'ellerdiki nurghun musteqil kishilik hoquq we xewer organliri bolsa Uyghur élidiki bundaq atalmish "Kentke makanlashqan zawut-karxanilar" ning emeliyette xitay hökümiti yolgha qoyuwatqan "Mejburiy emgek" lagérliri ikenlikini bildürmekte.

Gérmaniyelik mutexessis adriyan zénz bu heqte mexsus izdiniwatqan tetqiqatchilarning biri. U bu heqte amérika dölet mejliside sözligen bir doklatida "Xitay hökümiti lagérlarni taqighanliqi, lagér tutqunlirining qoyup bérilgenlikini ilgiri sürsimu, emeliyette ularning mushu xildiki zawut-karxanilarda dawamliq mejburiy emgekke séliniwatqanliqini, xitay mejburiy emgekke séliwatqan Uyghurlar qatarida 40 yashtin 75 yashqiche bolghan ottura we chong yash kishiler barliqi we bularning asasliqi ayallar ikenliki" heqqidiki pakitlarni körsetken.

Toluq bet