Erkin tuniyaz: "Shinjangda ming yilliq mutleq namratliq mesilisi hel qilindi, mana bu kishilik hoquq abidisi"

Muxbirimiz irade
2021-06-03
Share

Xitayning shinxu'a tor tarqatqan bir xewerdin qarighanda, 6-ayning 2-xitayning jenwediki wekiller ömiki we Uyghur rayon da'iriliri birlikte "Namratliqtin qutuldurush we yézilarni güllendürüsh xelq'ara almashturush yighini" mawzuluq sin yighini ötküzüp, rayonda namratliq tügitilgenlikini ilgiri sürgen.

Uningda shinjang Uyghur aptonom rayonluq hökümitining mu'awin re'isi erkén tuniyaz söz qilip: "2020-Yilining axirigha qeder, shinjangdiki 3.0649 Milyon yéza namrat ahalisi hazirqi ölchem boyiche namratliqtin qutuldi, 3666 namrat yéza azaydi, 35 nahiye namratliq qalpiqini éliwetti, ming yilliq mutleq namratliq mesilisi tarixta hel qilindi. Mana bu kishilik hoquqning abidisi" dep söz qilghan.

Yighinda yene bir qanche "Xelq wekilliri" söz qilip "Kishiler hazir keng we yoruq binalarda turidu, turuba süyi ishlitidu, simliq téléwizor köridu, yan téléfon ishlitidu we tamaq étish üchün tebi'iy gaz ishlitidu. Bu yerde yesli, mektep, saghlamliq merkizi, kutupxana, medeniyet pa'aliyet öyi, medeniyet meydani qatarliqlar bar. Ilgiri bu xil hayatni ilgiri tesewwur qilish tes idi" dégen.

Xitay hökümiti yéqindin buyan mushu xildiki teshwiqat yighinlirini köplep uyushturush arqiliq xitay hökümitining Uyghur ilida yürgüzüwatqan basturush siyasetlirini inkar qilip keldi. Halbuki sofi richardson qatarliq kishilik hoquq mutexessisliri ilgiri köp qétim bundaq töwen derijilik chakina teshwiqat heriketlirining héchkimni qayil qilalmaydighanliqini, xitayning teshwiqatlirining ularning irqiy qirghinchiliq qilghanliqidek pakitni yoshurush emes, eksiche ularni külkige qoyidighanliqini bildürgenidi.

Melum bolushiche, jenwede turushluq xitay hey'iti bilen Uyghur rayon da'iriliri birliship achqan bu yighinda bélarusiye, iran, rusiye, wénézu'éla, pakistan, la'os, shimaliy koréye qatarliq kishilik hoquq xatirisi nachar döletlerning wekilliri arqa-arqidin nutuq sözligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet