Җуңғар ойманлиқидин 500 милйон тоннилиқ йеңи нефитлик байқалди

2020-12-01
Share

"хитайниң енергийә амбири" дәп атиливатқан уйғур дияридин йеқинда йәнә 500 милйон тоннилиқ юқири сүпәтлик нефит вә тәбиий газ записи байқалған болуп, хитай ахбаратлири буни бәс-бәстә хәвәр қилған.

"йәр шари вақти" гезитиниң 30-ноябирдики хәвиридә ейтилишичә, бу қетим байқалған зор нефитлик җуңғар ‍ойманлиқиниң шәрқий қисмида болуп, тәхминән икки миң квадрат километир даиридә икән. Хитай нефит қезиш әтрәтлири нөвәттә синақ тәриқисидә қезишни башливәткән болуп, хитай мутәхәссислири пат йеқинда омумйүзлүк қезишниң башлинидиғанлиқини билдүргән. Хитай һөкүмитиниң ейтишичә, җуңғар ойманлиқиниң омуми нефит вә газ записи 12 милярд тонниға йеқин болуп, буниң үчтин бири ениқлинип болған икән.

Һалбуки бир қисим уйғуршунаслар изчил уйғурларни "алтун тупраққа дәссәп туруп диванә болушқа мәҗбур болғанлар" дегән шәкилдә тәсвирләп келиватқанлиқи мәлум. Бу һал уйғурлар дияридики йәр асти вә йәр үсти байлиқлар һәр күни милйон тоннилап хитай өлкилиригә тошулсиму, йәрлик уйғурларниң йәнила хитай бойичә әң намрат хәлқ болуп қеливатқанлиқидәк реаллиққа қаритилғаникән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт