Jungghar oymanliqidin 500 milyon tonniliq yéngi néfitlik bayqaldi

"Xitayning énérgiye ambiri" dep atiliwatqan Uyghur diyaridin yéqinda yene 500 milyon tonniliq yuqiri süpetlik néfit we tebi'iy gaz zapisi bayqalghan bolup, xitay axbaratliri buni bes-beste xewer qilghan.

"Yer shari waqti" gézitining 30-noyabirdiki xewiride éytilishiche, bu qétim bayqalghan zor néfitlik jungghar ‍oymanliqining sherqiy qismida bolup, texminen ikki ming kwadrat kilométir da'iride iken. Xitay néfit qézish etretliri nöwette sinaq teriqiside qézishni bashliwetken bolup, xitay mutexessisliri pat yéqinda omumyüzlük qézishning bashlinidighanliqini bildürgen. Xitay hökümitining éytishiche, jungghar oymanliqining omumi néfit we gaz zapisi 12 milyard tonnigha yéqin bolup, buning üchtin biri éniqlinip bolghan iken.

Halbuki bir qisim Uyghurshunaslar izchil Uyghurlarni "Altun tupraqqa dessep turup diwane bolushqa mejbur bolghanlar" dégen shekilde teswirlep kéliwatqanliqi melum. Bu hal Uyghurlar diyaridiki yer asti we yer üsti bayliqlar her küni milyon tonnilap xitay ölkilirige toshulsimu, yerlik Uyghurlarning yenila xitay boyiche eng namrat xelq bolup qéliwatqanliqidek ré'alliqqa qaritilghaniken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar