Үрүмчи җ х идариси: " чаған мәзгилидә паспорт беҗириш вақитлиқ тохтайду дегән сөз иғва"

Мухбиримиз қутлан
2016-01-18
Share

Шинхуа ториниң хәвиригә қариғанда, йеқиндин буян хитайда "җ х министирлиқи чаған мәзгилидә сақчи системисиниң торини тақайдикән" дегән гәп-сөзләр тарқалған.

Буниң билән пүтүн хитайдики паспорт беҗирмәкчи болған аһалиләр җиддийлишип, һәрқайси өлкә, шәһәрләрдики сақчиханиларниң паспорт беҗириш орунлириға болған бесим һәссиләп күчәйгәнлики мәлум.

Игилинишичә, хәлқ арисиға тарқалған бу гәп-сөзләр уйғур аптоном районидики чәтәлгә чиқишни пилан қиливатқан аһалиләрниму җиддийләштүргән. Миңлиған кишиләр чағандин бурун паспорт беҗиривелиш үчүн узун өчирәт һасил қилип, үрүмчи шәһәрлик җ х идарисигә еғир бесим пәйда қилған.

15-январ күни үрүмчи шәһәрлик җ х идариси бу һәқтә алаһидә баянат елан қилған. Баянатта мундақ дейилгән: "чаған мәзгилидә сақчи идарилири системини тақап, паспорт беҗиришни вақитлиқ тохтитидикән дегән сөзләр пүтүнләй иғва. Сақчи тәрәп һазир иғва пәйда қилғанларни җиддий тәкшүрмәктә."

Көзәткүчиләр, мәйли хитай өлкилиридә болсун яки уйғур елида болсун, паспорт мәсилиси таки бүгүнки күнгичә хитай пуқралири үчүн сәзгүрлүки алаһидә юқири бир иш. Чүнки хитайдики узун мәзгиллик паспорт контроллуқи аһалиләрниң сақчи системисиға болған ишәнчини тәвритип ташлиған, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт