Xitay 127 dölet bilen öz‏-ara wiza kechürüm qilghan, emma Uyghur élida pasport yighiwélish dawamlashmaqta

Muxbirimiz qutlan
2016-11-07
Share

Igilinishiche, xitay jama'et xewpsizliki ministirliqining mu'awin ministiri xwang ming 24-öktebir küni xitay memliketlik xelq qurultiyigha chégradin chiqish-kirishni bashqurush heqqide doklat bergen.

Xelq torining bu heqtiki xewirige qarighanda, 2015-yili xitay chégrasidin kirgen we chiqqanlarning omumiy sani 520 milyon adem/qétimgha yetken. 2016-Yilining aldinqi yérimida xitay chégrasidin kirgen-chiqqanlarning sani 270 milyon adem/qétimgha yetken.

Xewerde déyilishiche, xitay hazirghiche 127 dölet bilen wiza kechürüm qilish kélishimi imzalighan. Xitay jama'et xewpsizliki ministirliqining mu'awin ministiri xwang mingning doklatida mundaq déyilgen: “Hazir junggoning mutleq köp qisim rayonliridiki ahaliler peqet kimlik we resim bilenla pasportqa iltimas sunalaydu. Shexsiy ish bilen chégradin chiqish-kirish guwahnamisi béjirgenlerning sani 120 milyon'gha yetti. Junggo puqralirining sayahet qilip baridighan döletlirining da'irisi 153 ge kéngeydi.”

Halbuki, Uyghur aptonom rayonluq saqchi organliri yéqinda herqaysi wilayet we nahiyelerde ahalilerning pasportini yighiwélish heqqide jiddiy uqturush tarqatqan. Uyghur élining qeshqer, xoten, aqsu we ghulja qatarliq jayliridin élin'ghan uchurlardin qarighanda, da'iriler pasport yighishni bashlighan. Bu ehwal chet'elge tughqan yoqlash, oqush, soda-tijaret yaki sayahet bilen chiqishni oylishiwatqan köpligen yerlik Uyghur puqralirini endishige salmaqtiken.

Közetküchiler, xitay mu'awin j. X. Ministiri xwang mingning “Junggoda pasport élish we chégradin kirip-chish resmiyetliri asanlashti” dégen bayanati peqetla xitay ölke, sheherlirige qaritilghan. Uyghur we tibet aptonom rayonlirida bu resmiyetler emeliyette burunqidinmu qiyinlashmaqta,” dep hésablimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet