Xitay Uyghur rayonining paxta ishlepchiqirishigha qarita qoshumche yardemni kücheytken

Muxbirimiz erkin
2020-05-15
Share

Xitay hökümiti Uyghur rayonidiki mejburiy emgekning asasliq halqisi, dep qariliwatqan paxta ishlepchiqirishigha qarita qoshumche yardem bérishni kücheytip, paxta bahasini qoghdashqa kirishken. Tengri tagh torining xewer qilishiche, xitay tereqqiyat-islahat komitéti uqturush chüshürüp, bu yildin bashlap Uyghur aptonom rayonining nishanliq paxta bahasining her tonnisini 18 ming 600 yüen, dep élan qilghan. Melum bolushiche, da'iriler paxta bahasigha qarita her 3 yilda bir qétim bahalash élip baridiken.

Xitayning bu qarari Uyghur diyarida ishlepchiqirilghan paxta mehsulatlirigha qarita xelq'ara émbargo küchiyip, nurghun xelq'ara shirketler rayondiki xitay paxta toqumichiliq karxaniliri bilen bolghan alaqisini üzüwatqan mezgilde chiqirildi. Bu yilning bashlirida xelq'ara paxtichiliq teshkilati Uyghur rayonidin chékinip chiqqanliqini élan qilghan. Amérika tamozhna idarisi rayonda ishlen'gen bezi paxta mehsulatlirini chekligenidi.

Analizchilarning bildürüshiche, bu tereqqiyat rayondiki Uyghurlarni mejburiy emgekke séliwatqan xitay paxta toqumichiliq karxanilirigha jiddiy xiris peyda qilghan.

Analizchilar, xitay hökümiti bu karxanilarning taqilip, paxta bahasining chüshüp kétishi, paxta ishlepchiqirishining aziyishini toshush üchün bahagha arilashqanliqini bildürmekte. Xitayning 2017-bashlan'ghan chong tutquni bilen bir waqitta nurghun karxanilar Uyghur rayonigha yötkilip chiqqan.

Tengri tagh torining tekitlishiche, "Bu siyasetning élan qilinishi shinjangning paxtichilirigha 'yürekni tinchlandurush dorisi' bergen".

Uyghur aptonom rayoni xitayning eng chong paxta bazisi bolup, u xitay paxta mehsulatining 84%ni teshkil qilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet