Uyghur da'irilirining ramizanning tunji künide xitay medeniyet bayrimini teshwiq qilishi tenqidke uchridi

Muxbirimiz méhriban
2017-05-30
Share

26-May bashlan'ghan dunya musulmanlirining muqeddes éyi ramizan bu yil xitayning en'eniwi medeniyet bayrimi "Zungza yéyish" yeni xitay riwayetliridiki chu begliki ölimasi chüyyüenni xatirilesh bayrimigha toghra keldi.

Uyghur rayoni hökümet taratqulirining xewerliride birnechche kündin buyan "Uyghur diyarida her millet xelqi bir a'ile kishiliridek inaq keypiyatta zungza yep bayramni kütüwaldi" dégendek xewerlerning köpiyishi, Uyghurlarning diniy étiqad pa'aliyetliri basturulup, roza tutush, namaz oqushi qattiq cheklimige uchrawatqan mezgilde, chet'ellerdiki Uyghur pa'aliyetchiliri we Uyghur weziyet analizchilirining jiddiy diqqitini qozghidi. Féysbok, wats'ap qatarliq ijtima'iy alaqe munberliride bolsa tenqidke uchridi.

Tenqidlerde, bu yilliq ramizan mezgilide da'irilerning oqutquchi-oqughuchilar, hökümet xizmetchiliri roza tutmasliq, réstoranlarni taqashqa ruxset qilmasliq uqturushlirini tarqatqandin bashqa, xitay medeniyitige xas bolghan en'eniwi bayramlarni Uyghurlargha mejburiy téngish, ramizan mezgilide milliy ittipaqliq pa'aliyetliri namida Uyghurlarni xitaylar bilen birlikte tamaq yéyishke zorlash, köngül échish pa'aliyetlirini ötküzüsh qatarliq her xil wasitilerni qollinip, Uyghurlarni roza tutushtek musulmanliq perhizlirini ada qilishtin mehrum qiliwatqanliqi eyiblendi.

Zungza bayrimi xitay riwayetliride, wetenperwerlikning simwoli dep medhiyilinidighan chüyyüenning özini deryagha tashlap ölüwalghanliqini xatirilesh üchün ötküzülidighan en'eniwi bayram.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet