Uyghur diyaridiki saqchilar qoshunining téximu küchiyishidin bésharetler bérilmekte

Muxbirimiz eziz
2021.01.12
Share on WhatsApp
Share on WhatsApp

Xitay hökümitining Uyghurlarni milyonlap lagérgha qamishi hemde mejburiy emgekke teshkillishining muhim kapaliti bolghan xitay saqchilirining Uyghur diyaridiki nopuzi bundin kéyin téximu ashidighanliqi heqqide türlük bésharetler bérilmekte.

“Aqsu géziti” ning 11-yanwardiki xewiride éytilishiche, wilayetlik jama'et xewpsizlik (j x) idarisi xitay hökümiti 2020-yili iyulda alghan qarar boyiche “8-Yanwar saqchilar bayrimi” ni tebrikligen. Shuningdek wilayet boyiche barliq saqchilar sep bolup, xitayning saqchi bayriqigha yüzlen'gen halda “Tötte polattek bolghan saqchilar qoshuni qurup chiqish” heqqide qesem bergen. Qesemyad yighinida saqchilar qoshunining nöwettiki bash téma bolghan muqimliqni saqlash, “Rezil we qara küchler” ni yoqitish saheside zor xizmet körsetkenliki, buningdin kéyinmu bu jehette sadiqliq bilen xizmet qilishi lazimliqi, shuningdek ölüp ketken saqchilarghimu yaxshi nepiqe bérilidighanliqi alahide tekitlen'gen. Shuningdek 2021-yili 1-iyul küni xitay kompartiyesi qurulghanliqining yüz yilliqi üchün qattiq ölchem we telep boyiche xizmet qilishi, shu arqiliq muqimliqqa alahide töhpe qoshushi tilgha élin'ghan.

Aqsu wilayetlik saqchi idarisining bu xil siyasiy pa'aliyetlirining yuqiri derijilik saqchi orunliri orunlashturghan xizmetlerning bir qismi ikenlikini tekitligen analizchilar bu xil “Qattiq we polattek” xizmet ipadisige ige bolushning Uyghurlarni téximu qattiq basturushtin bashqa menisining yoqluqini bildürdi. Melum bolushiche, nöwette bu xil pa'aliyetler herqaysi jaylardiki barliq wilayet we nahiyelerde dawam qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.