Xitaydiki sayahet ömekliri Uyghur rayonigha keng kölemde sayahetchi ewetishke hazirlan'ghan

Muxbirimiz jewlan
2020-09-30
Share

Xitayche "Shinjang géziti" torining 30-séntebir xewer qilishiche, ichkiri xitaydiki sayahet ömekliri "Shinjanggha ming ömek apirish" herikitini bashlighan bolup, xitay sayahetchilirini 2020-yil küzlük we qishliq sayahetlirini shinjangda ötküzüshke teshkilleshke bashlighan. Xitay hökümiti bu heriket arqiliq Uyghur rayonida sayahet qilidighan sayahetchilerni 300 mingdin ashurush pilanlan'ghan.

Xewerde éytilishiche, bu heriketni xitay sayahet jem'iyiti bashlighan bolup, xitaydiki 100 din artuq chong sayahet shirketliri buninggha aktip awaz qoshqan. Ular bu yil küz we qish peslide Uyghur rayonigha 1000 din artuq ömek ewetidiken. Öz nöwitide bu "Shinjang yaxshi makan" namliq siyasiy teshwiqat pa'aliyitining bir qismi iken.

Közetküchilerning qarishiche, xitay sayahet ömekliri xitay hökümitining teshwiqatigha masliship, ichkiri xitaydiki sayahetchilerni Uyghur rayonida köplep sayahet qildurush arqiliq, bu rayonning emdi xitay puqraliri üchün tinch, xatirjem, ewzel bir rayon'gha aylan'ghanliqini körsetmekchi we ularni bu jayda yashashqa jelp qilmaqchi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.