Xitay, Uyghur rayonidiki sayahetchiler qétim sanini dölet xirajiti bilen yükseldürgen
2016.12.21
Uyghur rayonida 2013-, 2014- we 2015-yilliri arqa-arqidin yüz bergen shiddetlik qarshiliq heriketliri rayon'gha kéliwatqan xitay sayahetchilerning sanini azaytqan we bu weziyet eyni xitay axbaratlirida xewer qilin'ghan idi.
Bügün xitayning tengritagh torida xewer qilinishiche, xitayning Uyghur rayonigha atalmish nishanliq yardem bérish wezipisini üstige alghan ölke, sheherliri bu yil mexsus sayahet poyizi we ayropilani ajritip, Uyghur rayonigha sayahetchi ewetken. “Sayahetchilerni shinjanggha yetküzüsh” dégen namda élip bérilghan bu seperwerlik netijiside 153 qétim mexsus poyiz qatnighan. Hökümet qoli we dölet xirajiti bilen teshkillen'gen bu sayahetchiler qétim sani 110 minggha yetken. Melum bolushiche bu seperwerlik 2015-yili 7-ayda béyjingda échilghan “Memliketlik sayahet arqiliq shinjang yardem bérish xizmet yighini” ning rohigha asasen qozghalghan.
Uyghur közetküchilerning qarishiche, xitayda parixorluqqa qarshi turush dolqunining bir charisi süpitide dölet xirajiti bilen sayahet qilish chekliniwatqan bir mezgilde, Uyghur rayonigha qarita sayahetning dölet xirajiti bilen righbetlendürülüshi we teshkillinishi Uyghur rayonidiki alahide siyasiy weziyetni yene bir nuqtidin yorutup bermekte.