Хитайниң уйғур диярида айродром көпәйтиши диққәт қозғиди

Мухбиримиз әзиз
2020-01-01
Share

Хитай һөкүмити зор күч билән иҗра қиливатқан "бир бәлвағ бир йол" қурулушиға мас һалда йеқиндин буян "бошлуқтики йипәк йоли" дегән намда бир қатар қурулушларни оттуриға чиқармақта. Шу қатарда 2019-йилиниң өзидә пүткүл уйғур диярида хитай һөкүмити йеңидин тоққуз айродром бәрпа қилип чиққан.

Хитай һөкүмитиниң контроллуқидики шинхуа агентлиқиниң 31-декабирдики хәвиридә ейтилишичә, "13-бәш йиллиқ пилан" мәзгилидә уйғур диярида йеңидин 16 айродром ясилидикән. 

Анализчиларниң пикригә қариғанда, уйғур дияридики айродром хизмәтчилири һәмдә айропиландики йолучиларниң мутләқ көп қисми хитайлар болуп, йәрлик уйғурлар буниңдин қилчиликму мәнпәәтдар болалмайдикән. Америкадики мустәқил көзәткүчи елшат һәсән бу һәқтә тохтилип "айрдром қурулуши дуняниң башқа җайлирида инсанлар оттурисидики алақини илгири сүриду. Әмма шәрқий түркистандики айродромлар һәрқачан хитай һөкүмитиниң уйғурларни йоқитиш һәркитигә вастә һәмдә бивастә ярдәмчи болуш ролини ойнайду," деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт