Xitayning Uyghur diyarida ayrodrom köpeytishi diqqet qozghidi

Muxbirimiz eziz
2020.01.01

Xitay hökümiti zor küch bilen ijra qiliwatqan “Bir belwagh bir yol” qurulushigha mas halda yéqindin buyan “Boshluqtiki yipek yoli” dégen namda bir qatar qurulushlarni otturigha chiqarmaqta. Shu qatarda 2019-yilining özide pütkül Uyghur diyarida xitay hökümiti yéngidin toqquz ayrodrom berpa qilip chiqqan.

Xitay hökümitining kontrolluqidiki shinxu'a agéntliqining 31-dékabirdiki xewiride éytilishiche, “13-Besh yilliq pilan” mezgilide Uyghur diyarida yéngidin 16 ayrodrom yasilidiken. 

Analizchilarning pikrige qarighanda, Uyghur diyaridiki ayrodrom xizmetchiliri hemde ayropilandiki yoluchilarning mutleq köp qismi xitaylar bolup, yerlik Uyghurlar buningdin qilchilikmu menpe'etdar bolalmaydiken. Amérikadiki musteqil közetküchi élshat hesen bu heqte toxtilip “Ayrdrom qurulushi dunyaning bashqa jaylirida insanlar otturisidiki alaqini ilgiri süridu. Emma sherqiy türkistandiki ayrodromlar herqachan xitay hökümitining Uyghurlarni yoqitish herkitige waste hemde biwaste yardemchi bolush rolini oynaydu,” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.