Wang yang Uyghur rayonini közdin kechürüp, “Partiyening shinjang siyasiti” ni tewrenmey ijra qilishni telep qilghan

Muxbirimiz jewlan
2022-03-23
Share

Xitay siyasiy byurosining da'imiy hey'et ezasi, xitay xelq siyasiy kéngishining re'isi wang yang yéqinda Uyghur rayonini közdin kechürüp, xitay kompartiyesining yéngi dewrdiki “Shinjangni idare qilish istratégiyesi” ni yaxshi tonush we omumyüzlük emeliyleshtürüsh kéreklikini tekitligen.

Wang yang 18-marttin 22-mart künigiche ürümchi, qeshqer, xoten qatarliq jaylardiki yéza-kent, mehelle, mektep, karxana we meschitlerde “Tekshürüp tetqiq qilish” élip barghan, 5 yildin béri bu rayonda térrorluq weqesining yüz bérip baqmighanliqini maxtighan hemde kadirlar we ammidin “Shi jinping idiyesige sadiq bolup, shinjangning uzun muddetlik muqimliqi we tereqqiyatini saqlash” ni telep qilghan.

Wang yang yene “Partiyening din siyasitini izchillashturush, diniy ishlarni qanun boyiche bashqurush, shinjangdiki islam dinini xitaychilashturushni ilgiri sürüsh, bingtu'enning jenubta kéngiyishini dawamlashturup, yerlik bilen bingtu'enning qoshulushini tézlitish” heqqide yolyoruq bergen.

Analizchilarning qarishiche, rusiye-ukra'ina krizisi dawam qiliwatqan, rusiyeni dawamliq qollash-qollimasliq mesiliside qiyin tallashqa duch kelgen xitay hökümiti hazir “Bir belwagh bir yol” diki menpe'etini qoghdap qélish üchün, bu yolning muhim tügüni bolghan Uyghur rayonini kontrol qilishni dawamliq kücheytidiken hem 5 yildin béri “Térrorluqqa qarshi turush” namida yürgüzüp kelgen qirghinchiliq siyasitini dawamlashturidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet