Xitay da'iriliri Uyghur élining 2035-yilghiche bolghan uzun mezgillik tereqqiyat pilanini élan qilghan

Muxbirimiz erkin
2021-06-07
Share

Xitay da'iriliri Uyghur élining 14-besh yilliq we 2035-yilghiche bolghan uzun mezgillik iqtisadiy-ijtima'iy tereqqiyat pilanini ‍élan qilip, xitayning siyasitide ‍özgürüsh bolmaydighanliqi, uning "Shinjangni bashqurush ‍stiratégiyesi" we "Bir belwagh bir yol" ning tügünige aylandurush pilani dawamliq ‍izchillashturidighanliqini élan qilghan.

Da'irilerning körsitishiche, xitayning 2016-yildin 2020-yilghiche bolghan 13-besh yilliq pilani "Shinjang tarixidiki abide xaraktérlik hel qilghuch basquch" bolup, bu uning yuqiriqi pilanni emelge ‍ashurushi üchün "Ijtima'iy muqimliq we uzun muddetlik eminlik bilen teminligen."

Xitayning bu pilani gherbtiki bezi döletler xitay hökümitining Uyghur élida bir milyon 800 mingdek kishini lagérlargha qamap, Uyghurlargha "Irqiy qirghinchiliq" qilish bilen eyiblen'gen, shundaqla xitayning bu siyasitini derhal toxtitip, barliq tutqunlarni qoyup bérishni telep qiliwatqan mezglde élan qilin'ghan.

"Tengritagh" torining ashkarlishiche, xitayning pilani Uyghur élini xitayning dölet ichige qarita échiwétishni dawamliq kéngeytish, bingtu'enning rolini dawamliq kücheytish, islamni xitaylashturush, "Jongxu'a milliti ortaq tonushi" ni téximu ishqa ‍ashurush iken.

Xewerde xitayning 14-besh yilliq pilani we 2035-yilghiche bolghan uzun mezgillik nishani heqqide toxtilip, bu mezgildiki nishanning "Sana'etlishish, uchurlashturush, sheher-bazarlashturush, déhqanchiliqni zamaniwiylashturushning yéngi türlirini asasen emelge ashurush, zamaniwi iqtisadiy sistéma berpa qilish, medeniyet bilen ozuqlandurushni ishqa ‍ashurush" ‍ikenliki tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet