Хитай даирилири аталмиш "уйғур-хитай туғқанчилиқи" сияситини күчәп қанат яйдурмақта

Мухбиримиз ирадә
2021-08-12
Share

Хитай һөкүмәт таратқулири пүтүн күчи билән аталмиш "уйғур-хитай туғқанчилиқи" сияситини тәшвиқ қилмақта. Бүгүн, йәни 12-авғуст хитайниң "шинҗаң гезити" дә елан қилинған бир хәвәрдә уйғур аптоном районлуқ иҗтимаий пәнләр академийәсиниң партийә әзалири, кадирлири вә ишчилириниң йопурға наһийәси йиңиават базириға берип, "миллий иттипақлиқ вә бир аилә кишилиридәк туғқанлишиш" ни давамлиқ йолға қоюшни тәләп қилғанлиқи баян қилинған.

Хитай һөкүмитиниң аталмиш "уйғур-хитай туғқанчилиқи" ни илгири сүрүш сиясити хитайниң 2017-йили башланған чоң тутқунида техиму күчәйгән. Даириләр бир милйон 200 дәк хитай кадириниң "туғқанчилиқ" намида уйғур аилилиригә орунлашқанлиқини илгири сүргән.

Чәт әлләрдики уйғур көзәткүчиләр болса бу сиясәтни хитай һөкүмитиниң пиланлиқ-мәқсәтлик һалда уйғурларға қаритиватқан ассимлатсийә сиясити, дәп қаримақта.

Йеқинда уйғур аптоном районлуқ парткомниң секритари чен чуәнго йиғин чақирип, ши җинпиңниң йолйоруқлирини изчиллаштуруш вә районда аталмиш милләтләрниң "туғқанчилиқи" ни йәниму чоңқурлаштурушни тәләп қилған.

Көзәткүчиләрниң қаришичә, хитай даирилири бундин кейин аталмиш "милләтләр ара туғқанлишиш" вәзиписини барлиқ идарә-органларға вәзипә қилип чүшүрүп, буни техиму чоңқурлаштуруши мумкинкән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт