Xitay da'iriliri atalmish "Uyghur-xitay tughqanchiliqi" siyasitini küchep qanat yaydurmaqta

Muxbirimiz irade
2021-08-12
Share

Xitay hökümet taratquliri pütün küchi bilen atalmish "Uyghur-xitay tughqanchiliqi" siyasitini teshwiq qilmaqta. Bügün, yeni 12-awghust xitayning "Shinjang géziti" de élan qilin'ghan bir xewerde Uyghur aptonom rayonluq ijtima'iy penler akadémiyesining partiye ezaliri, kadirliri we ishchilirining yopurgha nahiyesi yingi'awat bazirigha bérip, "Milliy ittipaqliq we bir a'ile kishiliridek tughqanlishish" ni dawamliq yolgha qoyushni telep qilghanliqi bayan qilin'ghan.

Xitay hökümitining atalmish "Uyghur-xitay tughqanchiliqi" ni ilgiri sürüsh siyasiti xitayning 2017-yili bashlan'ghan chong tutqunida téximu kücheygen. Da'iriler bir milyon 200 dek xitay kadirining "Tughqanchiliq" namida Uyghur a'ililirige orunlashqanliqini ilgiri sürgen.

Chet ellerdiki Uyghur közetküchiler bolsa bu siyasetni xitay hökümitining pilanliq-meqsetlik halda Uyghurlargha qaritiwatqan assimlatsiye siyasiti, dep qarimaqta.

Yéqinda Uyghur aptonom rayonluq partkomning sékritari chén chu'en'go yighin chaqirip, shi jinpingning yolyoruqlirini izchillashturush we rayonda atalmish milletlerning "Tughqanchiliqi" ni yenimu chongqurlashturushni telep qilghan.

Közetküchilerning qarishiche, xitay da'iriliri bundin kéyin atalmish "Milletler ara tughqanlishish" wezipisini barliq idare-organlargha wezipe qilip chüshürüp, buni téximu chongqurlashturushi mumkinken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet