Башәгим шәһригә 719 нәпәр кәспий хадим қобул қилиш елани гуман қозғимақта

Мухбиримиз әзиз
2020-08-18
Share

Өткән һәптидә биңтуән 2-дивизийәси башәгим шәһригә "кәспий орунлар еһтияҗи" үчүн 719 нәпәр кадир қобул қилидиғанлиқи һәққидә уқтуруш тарқатқан. Уқтурушта бу кадирларниң хитай өлкилиридин қобул қилинидиғанлиқи, оқутқучилиқ вә сестралиқ кенишкиси барларни алдин қобул қилидиғанлиқи тәкитләнгән. Булардин 200 нәпири маарип саһәсигә қобул қилинидикән.

Уқтурушта ашкара һалда қобул қилиш обейктиниң хитай өлкилиридики яшлар болидиғанлиқи, шундақла уларниң "милләтләр иттипақлиқи" ни қоғдайдиған, "миллий бөлгүнчилик вә қанунсиз диний паалийәтләр" гә қарши туридиған кишиләр болуши лазимлиқи ейтилған. Һалбуки, уйғурларниң бастурулуши изчил мушу аталмиш "шәрт" ләргә бағлинип келиватқанлиқи мәлум. 

Хитай һөкүмити өткән йиллардин буян уйғур яшлирини "ешинчә әмгәк күчи" дегән намда хитай өлкилиридики завутларға әрзан баһалиқ әмгәк күчи қатарида йөткәватқан болуп, миңлиған уйғур алий мәктәп оқуғучилириниң ишсиз яки лагерларға қамалған һалда туруватқанлиқи йеқиндин буян көпләп мәлум болуватқан иди. 

Америкадики уйғур зиялилиридин доктур қаһар барат бу һәқтә тохтилип: "хитай һөкүмитиниң ашкара һалда мушундақ хизмәтчи қобул қилиш елани чиқириши уларниң мустәмликичилик характерини йәниму очуқ көрситип бериду," деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт