Bash'egim shehrige 719 neper kespiy xadim qobul qilish élani guman qozghimaqta

Muxbirimiz eziz
2020.08.18

Ötken heptide bingtu'en 2-diwiziyesi bash'egim shehrige “Kespiy orunlar éhtiyaji” üchün 719 neper kadir qobul qilidighanliqi heqqide uqturush tarqatqan. Uqturushta bu kadirlarning xitay ölkiliridin qobul qilinidighanliqi, oqutquchiliq we séstraliq kénishkisi barlarni aldin qobul qilidighanliqi tekitlen'gen. Bulardin 200 nepiri ma'arip sahesige qobul qilinidiken.

Uqturushta ashkara halda qobul qilish obéyktining xitay ölkiliridiki yashlar bolidighanliqi, shundaqla ularning “Milletler ittipaqliqi” ni qoghdaydighan, “Milliy bölgünchilik we qanunsiz diniy pa'aliyetler” ge qarshi turidighan kishiler bolushi lazimliqi éytilghan. Halbuki, Uyghurlarning basturulushi izchil mushu atalmish “Shert” lerge baghlinip kéliwatqanliqi melum. 

Xitay hökümiti ötken yillardin buyan Uyghur yashlirini “Éshinche emgek küchi” dégen namda xitay ölkiliridiki zawutlargha erzan bahaliq emgek küchi qatarida yötkewatqan bolup, minglighan Uyghur aliy mektep oqughuchilirining ishsiz yaki lagérlargha qamalghan halda turuwatqanliqi yéqindin buyan köplep melum boluwatqan idi. 

Amérikadiki Uyghur ziyaliliridin doktur qahar barat bu heqte toxtilip: “Xitay hökümitining ashkara halda mushundaq xizmetchi qobul qilish élani chiqirishi ularning mustemlikichilik xaraktérini yenimu ochuq körsitip béridu,” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.