Uyghur élidiki j x organlirigha shtat sirtidiki xizmetchi xadimlarning köplep qobul qilinishi diqqet qozghidi

Muxbirimiz irade
2019-10-11
Élxet
Pikir
Share
Print

Yéqinda Uyghur élining herqaysi nahiyeliridiki jama'et xewpsizlik organlirigha shtat sirtidiki xizmetchi xadim qobul qilish heqqidiki élanlar köpeymekte.

8-Öktebir küni, lopnur nahiyelik jama'et xewpsizlik idarisi jem'iyettin 70 neper shtat sirtidiki xizmetchi xadim qobul qilidighanliqi heqqide uqturush chiqarghan bolup, qobul qilish obyéktliri toluq ottura mektep we uningdin yuqiri mekteplerni püttürgenler we herbiy septin chékin'gen yashlarni asas qilidiken. Uqturushta namzatlarning térrorluqqa qarshi turush, muqimliqni qoghdash ipadisining gewdilik bolushi, döletning siyasetlirini chin qelbidin himaye qilidighan bolushi telep qilin'ghan. 

Chaqiliq nahiyesimu 3-öktebir küni hökümet tor bétide jama'et xewpsizlik idarisige shtat sirtida qobul qilin'ghan 60 etrapida xizmetchi xadimning tizimlikini élan qilghan. Yéqindin buyan, Uyghur élining jama'et xewpsizlik sahesige qobul qiliniwatqanlarning asasen shtat sirtidiki waqitliq xadimlar bolushi diqqet qozghawatqan amillarning biri bolup, közetküchiler buning rayondiki chékidin ashqan bixeterlik tedbirliri sewebidin saqchi we amanliq xadimlirining zimmisige chüshken heddidin artuq xizmet bésimini yenggillitishke munasiwetlik bolushi mumkinlikini perez qilishmaqta. 

Chünki xitaydiki ijtima'iy tor betlerde we "Zimistan" tori qatarliqlarda asasiy qatlamda xizmet qiliwatqan xizmetchiler bolupmu saqchi we yardemchi saqchi xadimlirining Uyghur élide az dégende 3 yildin béri dawam qiliwatqan pewqul'adde tüzüm sewebidin 48 sa'etlep toxtimay ishlewatqanliqi, saqchilarning charchap ölüsh we aghrip yétip qélishtek ehwallar köplep yüz bergenliktin, naraziliq hem shundaqla xizmettin bizar bolushtek keypiyatning shekilliniwatqanliqi ashkarilan'ghan idi. 

Derweqe, yuqiridiki lopnur nahiyelik jama'et xewpsizlik idarisi bu yil 9-aydimu shtat sirtida 70 neper xizmetchi xadim qobul qilish uqturushi chiqarghan bolup, bir aydin kéyinla yene 70 neper adem qobul qilish heqqide uqturush chiqirishi diqqet qozghaydiken.

Toluq bet