Uyghur aptonom rayoni kespiy organlarning xizmetchi élish hoquqini qoyup bergen

Muxbirimiz erkin
2019-11-08
Élxet
Pikir
Share
Print

Uyghur aptonom rayonluq kadirlar nazariti yéqinda höjjet chüshürüp, rayondiki sheher, wilayet, oblast we aptonom rayon derijilik kespiy organlarning xizmetchi élish hoquqini qoyup bergen.

Yéngi belgilimide bu organlarning qanchilik xizmetchi qobul qilishni éhtiyajigha qarap, ularning özi qarar qilidighanliqi, kadirlar nazaritining testiqini élishqa héchqandaq hajet yoqluqi ilgiri sürülgen. 

Közetküchilerning ilgiri sürüshiche, Uyghur aptonom rayonluq kadirlar nazaritining yuqiriqi höjjiti uning mezkur rayon'gha téximu köp köchmen yötkishige kashila boluwatqan qa'ide-tüzümlerni bikar qilishni meqset qilidiken. Xitay hökümiti 2017‏-yili 3‏-aydin bashlap Uyghur, qazaq we rayondiki bashqa musulmanlarni keng kölemde tutqun qilip, lagérlargha qamash bir bir waqitta ichkiri ölkilerdin rayondiki karxana we kespi organlargha keng kölemlik xizmetchi qobul qilishqa bashlighan. Bu yilning kéyinki yérimining özidila ürümchi shehirining ma'arip sahesige 1500 dek oqutquchi qobul qilin'ghan idi. 

"Tengritagh" torining 8‏-noyabirdiki xewiride qeyt qilinishiche, aptonom rayonluq kadirlar nazaritining "Ixtisas igilirining bimalal tertiplik yötkilishide bazarning rolini toluq jari qildurush toghrisidiki pikir" namliq höjjitide uning "Aptonom rayon, sheher, wilayet, oblast derijilik kespiy organlarning xizmetchi qobul qilishtiki ghojidarliq hoquqini kéngeytip, ixtisas igilirining yötkilishige kashila boluwatqan békinmichilik halitini buzush tashlash. . . Kespiy orunlarning éhtiyajliq ixtisas igilirini derhal toluqlishigha türtke bolush" meqsitide chüshürülgenliki tekitlen'gen. 

Lékin chet'eldiki Uyghur kishilik hoquq teshkilatlirining ilgiri sürüshiche, xitay hökümiti 3 milyondek Uyghurni yighiwélish lagérlirigha qamap, kespiy organlardiki ulardin bosh qalghan xizmet orunlirini xitaylar bilen toldurmaqta iken. Lékin xitay hökümiti rayonda yighiwélish lagérlirining mewjutluqini izchil ret qilip kelmekte. Ularning ilgiri sürüshiche, bu lagérlar radikalliqqa qarshi "Kespiy terbiyelesh merkezliri" iken.

Toluq bet