“ләнҗу-шинҗаң төмүрйоли” ға юқири сүрәтлик иккинчи йол қошулди

• Мухбиримиз әзиз
  2019-07-03

“хитай яшлар гезити” ниң 2-июлдики хәвиридә ейтилишичә, “ләнҗу-шинҗаң төмүрйоли ленийәси” гә йеңидин юқири сүрәтлик қатнаш йоли қошуш қурулуши 30-июн рәсмий башланған.

Хәвәрдә бу қурулушниң “йипәк йоли иқтисадий бәлвеғи” ниң муһим өткүнчи макани болған хеши каридоридики муһим қурулуш икәнлики алаһидә тәкитлиниш билән биргә, қурулуш пүткәндин кейин ләнҗу тәвәсидин уйғур дияриға баридиған йолучилар үчүн транспорт васитиси болуш ролини ойнайдиғанлиқи көрситилгән.

Хәвәрдә ейтилишичә, бу қурулушниң тамамлинишиға төт йил вақит кетидикән. Анализчилар бу һәқтә пикир қилип “әслидики төмүр йол ленийәлири бар болсиму, йеңидин юқири сүрәтлик йолниң қошулуши хитай һөкүмитиниң бир қетимлиқ ғайәт зор көләмлик нопус көчүрүш пиланиниң бешарити,” деди.