Uyghur diyaridiki türme sistémisigha 800 xizmetchi qobul qilish guman qozghidi

Muxbirimiz eziz
2020-08-05
Share

Xitay da'iriliri 4-awghust küni ündidar supisida uqturush chiqirip türme sistémisigha jem'iyettin 800 neper xizmetchi qobul qilidighanliqini, buning 530 nepirining erler bolidighanliqini éytqan. Shu küni yene oxshash uchur munbiride jing nahiyilik saqchi idarisige 66 neper, korla iqtisadiy tereqqiyat rayoni saqchi idarisige 90 neper, qorghas shehirige 110 neper saqchi qobul qilinidighanliqi heqqide élan bérilgen.

Élanda bu qétim qobul qilinidighan saqchilarning ayliq ma'ashi 4000 somdin 8000 somghiche bolidighanliqi éytilghan bolup, qobul qilish sürükining birdek "San toshqiche" bolidighanliqi éytilidu. Beziler bu ehwalgha qarap "Nöwette saqchiliqqa özini melum qilidighan kishiler köp emes, yene kélip saqchi bolushni xalaydighanlar téximu az bolushi mumkin" déyishmektiken.

Xitay hökümiti yéqinqi mezgillerdin buyan herqaysi jaylardiki atalmish "Kespiy terbiyelesh mektepliri" ning taqiwétilgenlikini tekitlewatqan bolup, bir qisim Uyghur pa'alyetchiliri xitay hökümitining yalghan éytiwatqanliqini, nöwettiki her bir nahiyede yüzlep saqchi qobul qilishning buning delili ikenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet