Mutexessisler xitayda peyda bolghan korona wirusining Uyghur élige zor tehdit peyda qiliwatqanliqini bildürmekte

Muxbirimiz irade
2020-03-18
Share

17-Mart küni, "Takshashila instituti" ning xitay ishliri tetqiqatchisi suyash désay "Asiya waqti géziti" de maqale élan qilip, Uyghur élidiki lagér tutqunliri uchrawatqan ölüm xewpining jiddiylikini eskertti.

Uning qarishiche, xitay hökümiti Uyghur élide yolgha qoyghan lagérlardiki insan tesewwurigha sighmaydighan nachar shara'itlar bu wirusning keng kölemde tarqilishi we ejellik aqiwetlerni keltürüp chiqirishigha intayin paydiliq shara'it hazirlap bermektiken.

Uning üstige, xitay hökümiti hazir Uyghurlarni türküm-türkümlep yötkep, ularni rayon ichi we sirtidiki zawutlarda mejburiy emgekke séliwatqan bolup, adem köp toplashqan zawutlardiki shara'itlarmu lagérdin köp perqliq emesken.

Tetqiqatchi suyash désay maqaliside meyli lagérlar bolsun yaki mejburiy emgek zawutliri bolsun, her ikkisining wirusning tarqilishi üchün mukemmel orunlar ikenliki eskertilgen. U eger bu orunlarda wirus tarqalghan teqdirde zor sandiki ölüm weqeliri körülidighanliqi we buning Uyghurlar üchün zor yoqitish bolidighanliqini agahlandurghan.

Chet'ellerdiki kishilik hoquq organliri ilgiri köp qétim bu heqtiki endishilirini otturigha qoyghan bolsimu, xitay hökümiti izchil halda lagérlarda wirus tarqilish éhtimalliqini ret qilip, bu heqtiki uchurlarni qattiq qamal qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet