Uyghur diyarida 2-awghust küni yene 28 neper korona wirusi yuqumdari bayqaldi

Muxbirimiz erkin
2020-08-03
Élxet
Pikir
Share
Print

Uyghur diyarida korona wirusi yuqumdarliri dawamliq köpeymekte. Xitay sehiye tarmaqlirining 3-awghust küni ashkarilishiche, rayonda 2-awghust küni yene 28 neper yéngi yuqumdar bayqalghan. Xitayning shu küni memliket miqyasida bayqalghan yuqumdarlar sani 43 neper bolup, buning mutleq köp qismini Uyghur aptonom rayonidiki yuqumdarlar texshkil qilghan. Yuqumdarlarning mutleq köp qismi dawamliq Uyghur diyarida bayqiliwatqan bolsimu, lékin xitay da'iriliri yuqumning menbesi heqqide hazirgha qeder héchqandaq uchur bérip baqmidi. Xitay sehiye da'irilirining bildürüshiche, Uyghur diyarida 2-awghust bayqalghan yéngi yuqumdarlarning hemmisi ürümchide iken.

Nöwette da'iriler rayonda bayqalghan omumiy yuqumdar sanining shu küni 590 ge yétip barghanliqi, ularning peqet 4 nepirining bashqa jaylarda, qalghanlirining hemmisining ürümchide ikenlikini bildürgen. Xitay sehiye tarmaqlirining ilgiri shürüshiche, bashqa jaylarda bayqalghan 4 neper yurumdarning ikkisi qeshqerde, biri bingtu'ende, biri sanjida iken. Xitay ijtima'iy taratquliridiki uchurlardin melum bolushiche, xitay hökümiti rayonda, bolupmu ürümchining Uyghurlar zich olturuqshluq tengritagh we saybagh rayonlirida téximu qattiq karantin tedbirlirini yolgha qoyghan.

Mehelliler qamal qilinip, olturaq öyler péchetligen. Ahalilerning talagha chiqishi qet'iy cheklinip, ishiklerge signal bérish eswablirini ornitilghan. Qeyt qilinishiche, bu xil eswab ornitilghan öylerning ishiki échilghan haman derhal saqchigha xewer béridiken. Bu xil radikal tedbirler chet'eldiki Uyghurlarda xitay hökümitining niyitige qarita guman we endishe qozghimaqta. Ularning agahlandurushiche, bu tedbir Uyghur a'ililiride acharchiliq peyda qilishi mumkin iken. Xitay hökümiti bu yilning bashlirida wuxendimu bu xil tedbirni yolgha qoyup, nurghun adem ölgen idi.

Toluq bet