Uyghur diyaridiki yuqum ehwali kishilerni éghir müshkülatlargha giriptar qilmaqta

Muxbirimiz eziz
2020.08.04

Uyghur diyarida ötken heptidin béri izchil éship bériwatqan tajsiman wirusi yuqumdarlirining sani 4-awghust küni 600 din ashti. Yalghuz 3-awghust künidila yéngidin 28 yuqumdar bayqaldi.

Xitay hökümiti bashqurushidiki shinxu'a agéntliqining 4-awghusttiki xewiride éytilishiche, nöwette bayqalghan yuqumdarlarning mutleq köp qismi ürümchi shehiride iken. Emma ürümchi we bashqa jaylardiki ahalining ündidar we bashqa uchur wasitiliri arqiliq öz'ara hembehirligen uchurlirida körsitilishiche, pütkül Uyghurlar diyaridiki qattiq bolghan qamal qilish tedbirliri izchil dawam qilmaqtiken.

Bir qisim kishiler hembehirlirigen sin körünüshliride ahaliler komitéti ezalirining “Öz béshimchiliq bilen ‍öyliridin chiqqanlarning pachiqini chéqiwétimiz” dep towlashliri alahide yer alghan bolup, nöwettiki qamal tedbirlirining alliqachan wuxen shehridikidinmu éship chüshkenlikini körsetmektiken. Yene bir qisim sin körünüshliride bolsa öylirige qamilip qalghan Uyghurlarning besh-alte, hetta on hessilep bahasi ösüp ketken turmush buyumlirini ishik yochuqidin éliwatqanliqi teswirlinidu.

Gerche xitay hökümiti hazirghiche “Yuqum ehwali barghanséri töwenlewatidu” dewatqan bolsimu, türlük uchurlar xitay hökümitining yene bir qétim yalghan éytiwatqanliqini ishare qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.