Yuqum mezgilide ürümchide mal bahasi shiddet bilen örlep ketken

Muxbirimiz irade
2020-08-06
Élxet
Pikir
Share
Print

Yéqindin buyan ijtima'iy taratqularda tarqalghan sin körünüshliride ürümchi we Uyghur élining bashqa jaylirida dawam qiliwatqan yuqumni tizginlesh dawamida köktat qatarliq kündilik turmush lazimetleri bahasining heddin ziyade örlep ketkenliki melum bolghan idi.

5-Awghust küni, "Xitay xewerler tori" tarqatqan bir xewerdimu yuqum mezgilide mal bahasida qalaymiqanchiliq peyda bolup, ahalilerge qiyinchiliq peyda qilghanliqi ashkarilandi. Bu heqtiki xewerde éytilishiche, ürümchide yuqum mezgilide mal bahasini qesten örlitip bazarda qalaymiqanchiliq peyda qilghan tijaretchiler jazalan'ghan bolup, 7-ayning 17-künidin hazirghiche ürümchide bahani qalaymiqan östürüshke munasiwetlik jem'iy 329 délo tekshürülgen we jem'iy 520 ming yüen jerimane qoyulghan we musadire qilin'ghan. Xewerde yene ürümchi da'irilirining türlük tedbirlerni élip, ahalilerning kündilik turmush buyumliri we yémek-ichmek bahasining muqimliqigha kapaletlik qilin'ghanliqi tekitlen'gen.

Ijtima'iy taratqularda tarqitilghan körünüshlerde mal bahasining heddidin ziyade örlishidin bashqa, köktat we méwe-chéwe ishlepchiqiriwatqan déhqanlarningmu éghir ziyan tartqanliqi, ularning mehsulatlirining yuqum kontroli seweblik qoldin chiqmay, éghir ziyan tartqanliqi melum bolghan idi.

Bu xildiki sin körünüshliri chet'ellerdiki ijtima'iy tor betlerde keng tarqilip, xitay hökümitining yuqumni kontrol qilish tedbirlirining kishilerge élip kéliwatqan türlük qiyinchiliqliri we bundaq tedbirlerning yuqumni kontrol qilishta zadi qanchilik ünümi barliqi heqqide küchlük munazirilerni peyda qilmaqta.

Toluq bet