Уйғур дияридики вирус юқуми техиму көп «қамал» ни барлиққа кәлтүрмәктә

Мухбиримиз әзиз
2020-08-12
Елхәт
Пикир
Share
Принт

Йеқиндин буян көпчиликниң диққитидә болуватқан уйғурлар дияридики таҗсиман вируси юқумида «бирәр һәптә давам қилиши мумкин» дегән «қамал қилиш» тәдбирлириниң бир ай болғиниға қаримай техиму көп җайларға ‍омумлишиватқанлиқи мәлум болмақта.

Америкадики «дәврләр» гезитиниң 12-авғусттики хәвиригә қариғанда һәр күндики йеңи юқумдарлар сани ешип бериватқан болуп, үрүмчи шәһәрлик һөкүмәт үрүмчи әтрапидики йеза-қишлақ аһалиләр райониниң «қамал» қилиниватқанлиқини билдүргән. Нөвәттә қамалдики аһалиләргә лазимлиқ күндилик буюмлар содисини һөкүмәт бәлгиләп бәргән мәхсус кишиләр вакалитән беҗирмәктикән. Хитай анализчилардин таң җиңюән бу һәқтә сөз қилип «бу йеңи тәдбир үрүмчидики юқум әһвалиниң контроллуқтин чиқип кәткәнликини көрситиду» дегән.

Хитай һөкүмити башқурушидики шинхуа агентлиқиниң 12-авғусттики хәвиридә йеңидин байқалған вирус юқумдарлириниң сани тоққуз икәнлики, вирус сәвәблик дохтурханиларда давалиниватқан кишиләрниң 576 икәнлики ейтилиду. Һалбуки йәрлик хитайлар нөвәттә пүткүл уйғурлар дияридики наһийә вә шәһәрләр, шуниңдәк барлиқ олтурақ районлириниң қамал қилиниватқанлиқини билдүргән. Шаңхәйдин вәлсепит минип үрүмчигә кәлгән хитай сәйяһ бу хил қамал қилиш тәдбирлиридин қақшап «һөкүмәт зади кишиләрни қутулдуруватамду яки уларни өлтүрүватамду, мән буни биләлмидим» дегән.

Хитай һөкүмити елан қилған бимарларниң сани һәққидики учурлар изчил һәр саһәниң гуманини қозғаватқан болуп, америка ташқи ишлар министирлиқи өзлириниң хитай һөкүмити елан қилған вирус һәққидики санлиқ мәлуматларни «ишәнчлик әмәс» дәп қарайдиғанлиқини көп қетим тәкитлигән.

Пикирләр (0)
Share
Толуқ бәт