Uyghur diyaridiki wirus yuqumi téximu köp "Qamal" ni barliqqa keltürmekte

Muxbirimiz eziz
2020-08-12
Élxet
Pikir
Share
Print

Yéqindin buyan köpchilikning diqqitide boluwatqan Uyghurlar diyaridiki tajsiman wirusi yuqumida "Birer hepte dawam qilishi mumkin" dégen "Qamal qilish" tedbirlirining bir ay bolghinigha qarimay téximu köp jaylargha ‍omumlishiwatqanliqi melum bolmaqta.

Amérikadiki "Dewrler" gézitining 12-awghusttiki xewirige qarighanda her kündiki yéngi yuqumdarlar sani éship bériwatqan bolup, ürümchi sheherlik hökümet ürümchi etrapidiki yéza-qishlaq ahaliler rayonining "Qamal" qiliniwatqanliqini bildürgen. Nöwette qamaldiki ahalilerge lazimliq kündilik buyumlar sodisini hökümet belgilep bergen mexsus kishiler wakaliten béjirmektiken. Xitay analizchilardin tang jingyu'en bu heqte söz qilip "Bu yéngi tedbir ürümchidiki yuqum ehwalining kontrolluqtin chiqip ketkenlikini körsitidu" dégen.

Xitay hökümiti bashqurushidiki shinxu'a agéntliqining 12-awghusttiki xewiride yéngidin bayqalghan wirus yuqumdarlirining sani toqquz ikenliki, wirus seweblik doxturxanilarda dawaliniwatqan kishilerning 576 ikenliki éytilidu. Halbuki yerlik xitaylar nöwette pütkül Uyghurlar diyaridiki nahiye we sheherler, shuningdek barliq olturaq rayonlirining qamal qiliniwatqanliqini bildürgen. Shangxeydin welsépit minip ürümchige kelgen xitay seyyah bu xil qamal qilish tedbirliridin qaqshap "Hökümet zadi kishilerni qutulduruwatamdu yaki ularni öltürüwatamdu, men buni bilelmidim" dégen.

Xitay hökümiti élan qilghan bimarlarning sani heqqidiki uchurlar izchil her sahening gumanini qozghawatqan bolup, amérika tashqi ishlar ministirliqi özlirining xitay hökümiti élan qilghan wirus heqqidiki sanliq melumatlarni "Ishenchlik emes" dep qaraydighanliqini köp qétim tekitligen.

Toluq bet