Хитай таратқулири: “алатав еғизидики 3 юқумдар чәт әлдин киргән делта вируси билән юқумланған”
Хитай таратқулири хәвәр берип, уйғур аптоном райони бортала области алатав еғизи шәһиридә юқумланған 3 юқумдарниң “чәт әлдин киргән делта вируси билән юқумланған” лиқини илгири сүргән.
-
Мухбиримиз җәвлан
2021-08-18 -
-
-
Хитай таратқулири хәвәр берип, уйғур аптоном райони бортала области алатав еғизи шәһиридә юқумланған 3 юқумдарниң “чәт әлдин киргән делта вируси билән юқумланған” лиқини илгири сүргән.
Хитай юқумлуқ кесәлниң алдини елиш вә контрол қилиш мәркизи алатав еғизи шәһиридә байқалған үч юқумдарниң юқумлиниш әһвалини тәкшүрүш арқилиқ, уларниң корона вирусиниң йеңи вариянти болған делта вируси билән юқумланғанлиқини бекиткән.
Хәвәрдә көрситилишчә, хитайда юқумланған кесәлләр билән сирттин киргән вирус билән юқумланған кесәлләрниң бәдинидики вирус түзүлүши охшаш болуп, чәт әлдин кириш хәвпи болған вирусқа һушярлиқ билән тақабил туруш керәк икән.
Көзәткүчиләрниң билдүрүшичә, корона вирусиниң мәнбәсини тәкшүрүшни изчил рәт қилип келиватқан хитай һөкүмити, бу вирусниң өзгәргән шәклини “чәт әлниң вируси” дейиш арқилиқ өзидики җавабкарлиқтин қечип кәлмәктә икән. Алатав еғизи шәһиридики бу үч юқумдарниң қандақларчә делта вируси билән юқумланғанлиқи ениқ болмисиму, хитайниң бу тәшвиқат арқилиқ вирус мәнбәсини чәт әлгә иттирип қоймақчи болушини пәрәз қилғили болидикән.