Xitay taratquliri: “Alataw éghizidiki 3 yuqumdar chet eldin kirgen délta wirusi bilen yuqumlan'ghan”
Xitay taratquliri xewer bérip, Uyghur aptonom rayoni bortala oblasti alataw éghizi shehiride yuqumlan'ghan 3 yuqumdarning “Chet eldin kirgen délta wirusi bilen yuqumlan'ghan” liqini ilgiri sürgen.
-
Muxbirimiz jewlan
2021-08-18 -
-
-
Xitay taratquliri xewer bérip, Uyghur aptonom rayoni bortala oblasti alataw éghizi shehiride yuqumlan'ghan 3 yuqumdarning “Chet eldin kirgen délta wirusi bilen yuqumlan'ghan” liqini ilgiri sürgen.
Xitay yuqumluq késelning aldini élish we kontrol qilish merkizi alataw éghizi shehiride bayqalghan üch yuqumdarning yuqumlinish ehwalini tekshürüsh arqiliq, ularning korona wirusining yéngi wariyanti bolghan délta wirusi bilen yuqumlan'ghanliqini békitken.
Xewerde körsitilishche, xitayda yuqumlan'ghan késeller bilen sirttin kirgen wirus bilen yuqumlan'ghan késellerning bedinidiki wirus tüzülüshi oxshash bolup, chet eldin kirish xewpi bolghan wirusqa hushyarliq bilen taqabil turush kérek iken.
Közetküchilerning bildürüshiche, korona wirusining menbesini tekshürüshni izchil ret qilip kéliwatqan xitay hökümiti, bu wirusning özgergen sheklini “Chet elning wirusi” déyish arqiliq özidiki jawabkarliqtin qéchip kelmekte iken. Alataw éghizi shehiridiki bu üch yuqumdarning qandaqlarche délta wirusi bilen yuqumlan'ghanliqi éniq bolmisimu, xitayning bu teshwiqat arqiliq wirus menbesini chet elge ittirip qoymaqchi bolushini perez qilghili bolidiken.