Xitay da'iriliri Uyghur diyarida karantin tedbirlirini qismen boshitishqa bashlighan

Muxbirimiz erkin
2020-08-28
Share

Xitay da'iriliri ahalilerning qattiq naraziliqi astida ürümchidiki radikal karantin tedbirlirini bezi jaylarda qismen boshitishqa bashlighan.

Da'iriler 7-ayning otturiliridin bashlap ürümchini karantin astigha élip, pütün sheherni qamal qilghan. Gerche da'iriler 16-awghusttin bashlap rayonda yuqumining toxtighanliqini élan qilghan bolsimu, lékin uning qamalni izchil dawamlashturushi puqralarning naraziliqini qozghighan. Bolupmu rayondiki köchmen xitay ahaliler xitay ijtima'iy alaqe munberliride naraziliq bildürüp, chet'el taratqulirining diqqitini qozghighan. Yerlik da'irilerning yene ahalilerge bir xil namsiz suyuqluqni mejburi ichirüshi, ichmigenlerni jazalishi téximu peyda qilghanidi.

"Jenubiy xitay seher pochtisi" gézitining xewer qilishiche, ürümchi sheherlik hökümet ürümchidiki bezi rayonlarda qamalni qismen boshutup, puqralarning olturaq rayon ichide heriket qilishigha yol qoyghan. Sheherlik hökümetning bu heqtiki uqturushida "Ahaliler rayonliridiki talla baziri, qulayliq dukan we méwe-chéwe dukkanlirining belgilik waqit ichide échishigha yol qoyulidighanliqi" tekitlen'gen.

Lékin xewerde karantin tedbirlirining ürümchidiki qaysi ahaliler rayonlirida boshitilghanliqi körsitilmigen. Xitayning rayonda yuqumgha qarshi qallan'ghan tedbiri kishilik hoquq teshkilatlirinign qattiq tendige uchrap keldi. Kishilik hoquq közitish teshkilatlirining tetqiqatchisi wang yangyuning tekitlishiche, xitay hökümiti Uyghur diyaridiki yuqumgha qarshi tedbirliride Uyghurlarni basturush, nazaret qilishta qollan'ghan oxshash idiye we wastilarni ishqa salghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.