Уйғур дияридики әврәз йоллиридин инсанларға юқудиған көп хил юқумлуқ вирус байқалған

Мухбиримиз әркин
2020-09-14
Share

Уйғур дияридики әврәз йоллиридин инсанларға юқудиған көп хил юқумлуқ вирус байқалған. Мәзкур учур 13-сентәбир күни "илим-пән көрсәткүчи" намлиқ бир тор журнилида елан қилинди.

Хәвәрдә қәйт қилинишичә, хитай вә уйғур аптоном районидики вирологийә мутәхәссислири уйғур дияриниң үрүмчи, қәшқәр вә хотән районлиридики әврәз сүйи йоллиридин елинған әвришкиләрни тәҗирбиханида анализ қилиш арқилиқ бу әврәз йоллирида инсанларға юқидиған көп хил юқумлуқ вирусларни байқиған.

Хәвәрдә бу һәқтики анализларниң инсанларға юқудиған RNA вируслириға мәркәзләшкәнлики, мутәхәссисләрниң бу хил вирусларни 10 аилидә байқиғанлиқини билдүргән. Мәлум болушичә, үрүмчи, қәшқәр, хотәндин алған 7 әврәз сүйи әвришкилириниң һәммисидә бу хил юқумлуқ вируслар байқалған.

Лекин хәвәрдә әврәз йолидин елинған әвришкиләрдики юқумлуқ вирус түрлириниң тәркиби ниспий муқим икәнлики, униң оттура һесаб билән 17 пирсәнтни тәшкил қилидиғанлиқи тәкитләнгән. Хәвәрдә қәйт қилинишичә, әврәз йоллиридин инсанларға юқумлуқ 30 хил вирус байқалған болуп, бу 6 аилидин тепилған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт