Uyghur diyaridiki ewrez yolliridin insanlargha yuqudighan köp xil yuqumluq wirus bayqalghan

Muxbirimiz erkin
2020-09-14
Élxet
Pikir
Share
Print

Uyghur diyaridiki ewrez yolliridin insanlargha yuqudighan köp xil yuqumluq wirus bayqalghan. Mezkur uchur 13-séntebir küni "Ilim-pen körsetküchi" namliq bir tor zhurnilida élan qilindi.

Xewerde qeyt qilinishiche, xitay we Uyghur aptonom rayonidiki wirologiye mutexessisliri Uyghur diyarining ürümchi, qeshqer we xoten rayonliridiki ewrez süyi yolliridin élin'ghan ewrishkilerni tejirbixanida analiz qilish arqiliq bu ewrez yollirida insanlargha yuqidighan köp xil yuqumluq wiruslarni bayqighan.

Xewerde bu heqtiki analizlarning insanlargha yuqudighan RNA wiruslirigha merkezleshkenliki, mutexessislerning bu xil wiruslarni 10 a'ilide bayqighanliqini bildürgen. Melum bolushiche, ürümchi, qeshqer, xotendin alghan 7 ewrez süyi ewrishkilirining hemmiside bu xil yuqumluq wiruslar bayqalghan.

Lékin xewerde ewrez yolidin élin'ghan ewrishkilerdiki yuqumluq wirus türlirining terkibi nispiy muqim ikenliki, uning ottura hésab bilen 17 pirsentni teshkil qilidighanliqi tekitlen'gen. Xewerde qeyt qilinishiche, ewrez yolliridin insanlargha yuqumluq 30 xil wirus bayqalghan bolup, bu 6 a'ilidin tépilghan iken.

Toluq bet