Қәшқәрдики таҗисиман вируси юқуми тездин кеңийишкә башлиди

Мухбиримиз әзиз
2020-11-03
Share

Қәшқәрдә давам қиливатқан таҗисиман вируси юқумдарлириниң сани ешип бериш билән биргә, көләм җәһәттиму қошна районларға кеңийиватқанлиқи йеңи әндишиләрни қозғимақта. 3-Өктәбиргә қәдәр йеңидин 13 йеңи юқумдар байқалған болуп, асаслиқ бимарлар қәшқәр конишәһәр тәвәсидә болуп кәлгәниди.

Хитай башқуришидики шинхуа агентлиқиниң 3-өктәбирдики хәвиридә ейтилишичә, нөвәттә конишәһәр наһийисигә қошна ақту наһийәсидиму вирус юқумдарлири байқалмақтикән. Йәнә келип ақту наһийисидә байқалған аламәтсиз 15 бимарниң юқумлиниш йоли бирдәк конишәһәр наһийиси билән мунасивәтлик икән. Қәшқәрдики кеңийиватқан юқум әһвали чәтәл ахбаратлиридиму көпләп йәр еливатқан болуп, буниң хитай тәвәсидики йеңидин байқиливатқан вирус юқумида муһим салмақни игиләйдиғанлиқи тәкитләнмәктә.

Һалбуки хитай һөкүмити һазирму вирус юқумиға даир учурларни дөләтниң мәхпийити қатарида бир яқлиқ қиливатқанлиқи үчүн вирусниң һәқиқи әһвалиниң зади қандақлиқи изчил кишиләрниң көңлидә көплигән соалларни пәйда қилмақта. Һазир һәрқайси тиббий орунлар ақту, атуш, улуғчат вә конишәһәр наһийилири арилиқида вирус юқумини тәкшүрүш нуқтилирини көпәйтмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт