Qeshqerdiki tajisiman wirusi yuqumi tézdin kéngiyishke bashlidi

Muxbirimiz eziz
2020-11-03
Share

Qeshqerde dawam qiliwatqan tajisiman wirusi yuqumdarlirining sani éship bérish bilen birge, kölem jehettimu qoshna rayonlargha kéngiyiwatqanliqi yéngi endishilerni qozghimaqta. 3-Öktebirge qeder yéngidin 13 yéngi yuqumdar bayqalghan bolup, asasliq bimarlar qeshqer konisheher teweside bolup kelgenidi.

Xitay bashqurishidiki shinxu'a agéntliqining 3-öktebirdiki xewiride éytilishiche, nöwette konisheher nahiyisige qoshna aqtu nahiyesidimu wirus yuqumdarliri bayqalmaqtiken. Yene kélip aqtu nahiyiside bayqalghan alametsiz 15 bimarning yuqumlinish yoli birdek konisheher nahiyisi bilen munasiwetlik iken. Qeshqerdiki kéngiyiwatqan yuqum ehwali chet'el axbaratliridimu köplep yer éliwatqan bolup, buning xitay tewesidiki yéngidin bayqiliwatqan wirus yuqumida muhim salmaqni igileydighanliqi tekitlenmekte.

Halbuki xitay hökümiti hazirmu wirus yuqumigha da'ir uchurlarni döletning mexpiyiti qatarida bir yaqliq qiliwatqanliqi üchün wirusning heqiqi ehwalining zadi qandaqliqi izchil kishilerning könglide köpligen so'allarni peyda qilmaqta. Hazir herqaysi tibbiy orunlar aqtu, atush, ulughchat we konisheher nahiyiliri ariliqida wirus yuqumini tekshürüsh nuqtilirini köpeytmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet