Американиң ярдәмчи ташқий ишлар министири марийә ройс қазақистанда уйғур вә қазақ лагер шаһитлирини қобул қилған

Хитай даирилири қәшқәр вилайитиниң конашәһәр наһийәсидә таралған корона вируси юқум мәнбәсиниң чәт әлдин киргән контәйнер (йүк сандуқи) икәнлики, юқумға кесәллик аламити көрүлмигән юқумдарниң пилтә болуп қалғанлиқи илгири сүргән. Хитай юқумлуқ кесәлликләрниң алдини елиш-контрол қилиш мәркизиниң мутәхәссиси ву зүнйүниң 25-ноябир тәкитлишичә, нөлинчи номурлуқ кесәллик бир қачилаш-чүшүрүш ишчиси болуп, кесәллик аламити көрүлмигән бу юқумдардин униң аялиға, аялидин қейнианиси вә қейнисиңлисиға тарқалған икән.

У йәнә шуниң билән юқумниң қәшқәрдики завутқичә кеңәйгәнликини илгири сүргән. Илгири қәшқәрдә тарқалған юқумда тунҗи юқумдарниң конашәһәр наһийәсиниң зәмин йезиси 3-кәнтидики бир завутта ишләйдиған 17 яшлиқ қиз икәнлики елан қилинған иди. Лекин ву зүнйү юқумниң бу завутқа қандақ тарқалғанлиқи, 17 яшлиқ ишчи қизниң қандақ юқтурувалғанлиқини чүшәндүрмигән. юқумниң зәмин йезиси 3-кәнтидики завут ишчисида байқилиши әйни вақитта юқум мәҗбурий әмгәк лагерлириға тарқалдиму, дигән әндишә пәйда қилған.

Лекин хитай һөкүмити юқум мәсилисидә барлиқ учурларни контрол қилип, кишиләрниң юқум һәққидики учурларни иҗтимаий таратқуларда елан қилишини чәклигән. Көзәткүчиләрниң тәкитлишичә, нөвәттә хитай һөкүмити юқумға даир учурларни қаттиқ контрол қилипла қалмай, униң келиш мәнбәсини чәт әлгә артмақта икән. Йеқинда даириләр вухәндә партлиған вирусиниң мәнбәсиниң һиндистандин кәлгәнликини илгири сүргән.