Amérikaning yardemchi tashqiy ishlar ministiri mariye roys qazaqistanda Uyghur we qazaq lagér shahitlirini qobul qilghan

Xitay da'iriliri qeshqer wilayitining konasheher nahiyeside taralghan korona wirusi yuqum menbesining chet eldin kirgen konteynér (yük sanduqi) ikenliki, yuqumgha késellik alamiti körülmigen yuqumdarning pilte bolup qalghanliqi ilgiri sürgen. Xitay yuqumluq késelliklerning aldini élish-kontrol qilish merkizining mutexessisi wu zünyüning 25-noyabir tekitlishiche, nölinchi nomurluq késellik bir qachilash-chüshürüsh ishchisi bolup, késellik alamiti körülmigen bu yuqumdardin uning ayaligha, ayalidin qéyni'anisi we qéynisinglisigha tarqalghan iken.

U yene shuning bilen yuqumning qeshqerdiki zawutqiche kéngeygenlikini ilgiri sürgen. Ilgiri qeshqerde tarqalghan yuqumda tunji yuqumdarning konasheher nahiyesining zemin yézisi 3-kentidiki bir zawutta ishleydighan 17 yashliq qiz ikenliki élan qilin'ghan idi. Lékin wu zünyü yuqumning bu zawutqa qandaq tarqalghanliqi, 17 yashliq ishchi qizning qandaq yuqturuwalghanliqini chüshendürmigen. Yuqumning zemin yézisi 3-kentidiki zawut ishchisida bayqilishi eyni waqitta yuqum mejburiy emgek lagérlirigha tarqaldimu, digen endishe peyda qilghan.

Lékin xitay hökümiti yuqum mesiliside barliq uchurlarni kontrol qilip, kishilerning yuqum heqqidiki uchurlarni ijtima'iy taratqularda élan qilishini chekligen. Közetküchilerning tekitlishiche, nöwette xitay hökümiti yuqumgha da'ir uchurlarni qattiq kontrol qilipla qalmay, uning kélish menbesini chet elge artmaqta iken. Yéqinda da'iriler wuxende partlighan wirusining menbesining hindistandin kelgenlikini ilgiri sürgen.