Uyghur rayonida ahaliler köp qétim "Saghlamliqni tekshürüsh" ke qatnashqan

Muxbirimiz jewlan
2021-02-16
Share

"Shinjang hökümet tori" ning 16-féwraldiki xewiride éytilishiche, Uyghur rayonida 2016-yildin tartip ahalilerni omumyüzlük "Saghlamliqni tekshürüsh" tin ötküzüsh xizmiti bashlan'ghan bolup, tekshürüshke qatnashqanlar jem'iy 87 milyon 473 adem qétimgha yetken. Ötken yilqi tekshürüshke qatnashqanlar 16 milyon 2311 adem qétimgha yetken.

Xitay taratqulirida bu melumatlar xizmet netijisi qilip körsitilgen bolup, "Késelni waqtida bayqash, waqtida dawalash" üchün ahalilerning salametliki qerellik tekshürülüp turuwatqanliqi, bu tekshürüshler üchünla 6 milyard 751 milyon yüen serp qilin'ghanliqi alahide teshwiq qilin'ghan.

Analizchilarning qarishiche, yuqiriqi sanliq melumatlar xitayning Uyghur rayonida nahayiti köp insanni menbe ornida paydilan'ghanliqini körsitidu. Roshenki, xitayning bu rayonda "Saghlamliqni qerellik tekshürüp" turushi hergiz Uyghurlarning saghlamliqigha köngül bölgenlikidin emes, belki saghlamliq tekshürüshi jeryanida ularning qénini yighish, qan ewrishkisini toplash, DNA uchurlirini saqlash, organ etkeschiliki üchün arxip turghuzush, omumen ularni toluq kontrol qilishqa, basturushqa we zörür tépilghanda paydilinishqa kéreklik bi'ologiyelik uchur ambirini qurush üchündur. Xitayning bu shum pilani hazir héchkimge sir emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet