Xitay da'iriliri bu yil Uyghur élida 79 ming kishini xizmetke orunlashturghan

Muxbirimiz erkin
2020-12-29
Share

Amérika maliye ministirliqi 28-dékabir küni uqturush élan qilip, amérika puqraliri we shirketlirining herbiyler kontrolliqidiki xitay karxanilirigha meblegh sélishini chekleydighanliqini bildürgen. Amérika tashqiy ishlar ministiri mayk pompéyoning élan qilghan yazma bayanatida tekitlinishiche, amérika maliye ministirliqi 28-dékabir élan qilghan bu heqtiki uqturushida xitay herbiy karxanilirigha meblegh salghan amérikaliq meblegh salghuchilarning kéler yili 11-yanwardin burun meblighini qayturup chiqishi telep qilin'ghan.

Amérika maliye ministirliqining bildürüshiche, kéler 11-yanwardin kéyin shirket yaki shexslerning xitay herbiy karxaniliridiki meblighi qanchilik bolushidin qet'iynezer meblegh yaki pay chek oboroti birdek toxtitilidiken. Prézidént tramp bu yil 11-ayda memuriy buyruq chüshürüp, amérikaliq meblegh salghuchilar we pénsiye fundilirining xitay herbiy karxanilirigha meblegh sélishini chekleydighanliqini élan qilghan idi.

Mayk pompéyo 28-dékabir élan qilghan bayanatida: "Bu buyruq amérika meblighining xitayning herbiy, istixbarat, bixeterlik jehetlerdiki tereqqiyati we zaminiwiylishishigha ishlitilmeslikige kapaletlik qilip, amérikaliq meblegh salghuchilarning bixewer halda herbiyler kontrolliqidiki xitay karxanilirigha meblegh sélishining aldidini alidu," dégen.

Amérika maliye ministirliqining uqturushida tekitlinishiche, prézidéntning buyruqi her xil indikis pay fondi, indikis fondi, pay chéki yaki kontrolliqi xitay armiyesining ilkidiki karxanilargha tedbiqlinidiken. Xewerde amérika maliye ministirliqining bu xil xitay shirketlirining tizimlikini tüzüp chiqishni pilanlawatqanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet