Америка һөкүмити уйғурлар дияридики зулумға шерик әмәлдарларға виза чәклимиси қойди

Мухбиримиз әзиз
2019-10-08
Елхәт
Пикир
Share
Принт

Америка-хитай сода сөһбити башлиниш һарписида трамп һөкүмити уйғурлар дияридики сиясий бастурушқа шерик болған хитай әмәлдарлириға виза чәклимиси қойидиғанлиқини елан қилди.

«CNBC Хәвәрлири» ниң 8-өктәбирдики хәвиридә ейтилишичә, америка ташқи ишлар министири майк помпейо бу қарарниң уйғур, қазақ вә башқа мусулманлар аммисини тутқун қилиш вә хорлашқа мәсул әмәлдарларни нишан қилидиғанлиқини алаһидә әскәрткән. У бу һәқтә қилған сөзидә: «америка қошма штатлири хитай хәлқ җумһурийитини шинҗаңдики зулумлирини тездин аяғлаштуруш, бигунаһ тутқун қилинғанларни дәрһал қоюветишкә чақириду» дәйду.

Бу қарарниң елиниши америка һөкүмити хитай ширкәтлирини қара тизимликкә киргүзүш билән тәңла дегүдәк оттуриға чиққан болуп, хитай тәрәп буниңға қаттиқ наразилиқ билдүргән. Әмма бир қисим анализчилар буни «америка һөкүмитиниң хитайға қаратқан чәкләш тәдбирлириниң башлиниши» дәп қаримақтикән.

Пикирләр (0)
Share
Толуқ бәт